قصيده / الفرق بنا كبير للشاعر هانى السفير

Poem / difference us a great poet Hani Ambassador

الفرق بنا كبير
لاول مره في حياتي
اكتب قصيده واضحه حره
وعلى قد ما فيها فرح
على قد ما هي مره
بس الملامح واضحه ومفهومة
وعلى العموم انا هحكي الحكايه وتخيلوا الصوره
لمحتها في يوم وعينيها شدتني اطفال صحيح مش هنكر
لكنها خدتني
من قبلها في الفصل
ما كنتش في الحصص حاضر
وحتى لو يوم حضرت
الفكر مش حاضر
وابتديت حضر كل يوم علشانها
من بين كل الحصص
اجري واجيب الوانها
وكل حصه بحجه
مره اجيب القلم
ومره جيب كراسه
لو تسمح المسطره
ده درس ملهاش عازه
تبصلي بحيره
ومره باستغراب
في كل كراسه خذتها منها
رديتها بالف رساله وياجاوب
وانا جنبها وبهمس
وهي في استغراب
اياك تاخذي اجازه
الفصل من غيرك خراب
لسها طفله بريئه
والحب ما لهوش معاد
عملت ايه في دنياي
حتى الف بلاد
لو تبكي عيني على شيء
يبقى اكيد نفسي
عشان دخلها الغرور
ونسيت معها نفسي
الفرق بنا كبير مش سن ولا حاجه الفرق بنا قانون
خلي الحياه ولا حاجه
الفرق بنا كبير
وانا ايدي على خدي
كنا جسد واحد
و اخدك على خدي
كان حلمنا نكمل
بس القدر مش بدي
الفرق بنا كبير و عمرنا واحد
كراستى هي كراستك
وفصلنا واحد
ينعل ابوه الزمن
دمرنا واحد واحد
ياما كسرنا التخت
وجرينا على الطباشير
وجعلت نفسي نكت
هوشي كله جير
يهزني صوت ضحكك
والفصل كله يطير
اضحك على نفسي
حبيب اميمه فقير
الفرق بنا صفات
وضعوها اجدادنا
عمرك ما تبقى ليها
حاضر يا اسيادنا
و ازاي اغير تاريخ
غير كثير في صفاتنا
الفرق بنا زمان
وضع العداء فينا
ما انا وانتى اصلا حبايب
والعشق في عينينا
خذتني من توهاني
ورمشك اللي بكاني
وشعرك الدفاني
وعشقت قبل اواني
وضحكتلي الحياه بيكي
وكانت مخصماني السعاده
قبل ما اشوف عينيكي
يشهد عليا الزمان
اني باموت فيكي
نكون ضحيه ليه
لذنب ولا شفناه
ادي لقدرنا عليه
حب وصفه دفناه
حاسبوا اللي سب وعمل
وجع القلوب مش واحد
قسما برب العزه
كنا نفس واحد
قالوا العادات حفظتنا
وجعلت ما بينا حدود
حاولت اكون مختلف
و عمر اللي راح ما يعود
الفرق بنا كبير
ولسانى متذكر
اليوم اللي تغيبي فيه
متعكنن و متعكر
حبيت قوي التعليم
من حبي لي عينيها
النظره منها امحي
حزن السنين بيها
يا ريت زماني يعود
وارجع لايامك
مين اللي غير حياتي
و انا عمري كله عشانك
فاكره لحظه مهب الريح
او طار معه شعرك
حاولت المس ايديكي
رفرف على ظهرك
كان عمري كله امل
وطاير السحب حواليا
فينك وفين ايامك
كان قلبي حي فيا
الحب كان وقتها
اعظم قانون وكيان
وجع القلوب مش واحد
هدمونا كالبنيان
الفرق بنا كبير
بس الزمن غيرنا
تاهت ملامحنا
فكبرنا قبل اوانا
وربك الكريم وقادر
واملي يجمعنا
نفسي اشوف عينيكي
و جري على حضنك
يقف التاريخ لو لحظه
اهمس بها في ودنك
نمحي جراح الزمن
وابكي وانا في حضنك
ساب الفراق علامات
واثره في ملامحك
كل اللي شافك نقل
ووصلولي جرحك
كان نفسي اكسر عداتنا
واكون سبب فرحك
كل العقول منعتني
وكل الخطط رفضتني
خايف عليكي منهم
رغم انهم اهلك
لتسير ما بينا دماء
اهلي مع اهلك
الفرق بنا بلاد
و قلبي بيندهلك
ردي علي برساله
قولي اني مش فاهمك
الحكم كان جبار
مش جاهلي ولا جهلك
جعلوا في قلبنا
نار و بالحب مسامحك
وانا لسه لكي حبيب
رغم اني مالي نصيب
ولا غيري كان فاهمك
هكدب واقول مسامحك
ما تغيرتش ملامحك
هكدب واقول مسامحك
ميت في يوم فرحك
والحب عاشلي فقير
الفرق بنا كبير
رحلت وتركت كل
زي الأمن في قلبي
ان كان هذا الحب مركز الاحزان سينتهي هذا الام بموت قلبي
رحلت وتركت كل ذو الأم في قلبي مش كل من يدمع حبيب
وكل شيء قسمه ونصيب
وجعك على وجعي جبال
من يوم ما زفونا العيال
وجهك يوميها كان غريب
وكل شيء قسمه ونصيب
اللي تعمل كان فوق طاقتنا
الف عدو واحد حبيب
متلومنيش لومي النصيب
و بقي اسألي شباك هوانا
ما انا ياما كسرت القزاز
سهرنا ياما وضحكنا ياما
وبكينا ياما من اللي جانا
وابقي اسالي شباك هوانا
ما انا ياما كسرت القزاز
حبي لكي مش حضاره
مش زعيم ذكره التاريخ
حبي لك زاد مراره
وقلبي دائما كان صريح
مش جريمتي اني بحبك
مين في حبه ماهوش جريح
تعبت ياما من الغرام
وحبي لكي ده انتقام
سهران ما انام ولا في اهتمام
وكل حرف ما هو الصحيح
من جوه قلبك مستريح
من جوه قلبك بستريح
الحب عمره ما كان مريح
يا اللي انتم زورتوا التاريخ
الحب عمره ما كان مريح
قاتلت ياما في الغرام
و جرحت ليله وابتسام
واثرت عنتر وابن سام
وفي وجههم ذات مقام
جعلوني في اعلى القمام
وسقطت في مهب الريح
عملولي قبه وبنوا ضريح
جعلوني مجرما مش جريح
يا اللي انتم زورتوا التاريخ
الحب عمره ما كان مريح
الحب جزء من المرار
لم يبقى لي قلبي اختيار
كان عيبي في عنيهم فقير
كان حب اعمى
كان ضرير
والفرق بنا كبير

جميع الحقوق محفوظه للشاعر والملحن أحمد حسين محمد احمد
ابن صعيد مصر
وشهرته هانى السفير